Thekedar ya main contractor payment nahi de raha? Sub-contractor ki guide

"Upar se paisa nahi aaya": kya ye valid bahana hai?

Apna work order nikaalein aur payment terms padhein. Teen situation hoti hain:

• Koi back-to-back clause nahi: thekedar ko apne terms ke hisaab se pay karna hai, client ne diya ho ya nahi.
• Back-to-back clause hai: thekedar ko client se paisa lene ki koshish karni hogi, aur client ne pay kar diya to aapko bhi dena hoga. Clause ka matlab "kabhi nahi dena" nahi hai.
• Koi written work order nahi: fir aapke bills, measurement aur chat se contract saabit hoga. Bina likha padhi udhaar wala guide dekhein.

Kya client ne thekedar ko pay kar diya? Kaise pata karein

Kai baar thekedar ko payment mil chuka hota hai aur wo aapka paisa doosre project me laga deta hai. Site par client ke engineer se baat, project completion ki news, ya client ka RA bill release hona, ye sab clues hain. Sarkari project me RTI se bhi pata chal sakta hai ki contractor ka bill pass hua ya nahi.

Ye jaankari notice me likhne se thekedar ka bahana khatam ho jaata hai.

Paisa nikaalne ke steps

1. Bill wise ledger banayein: RA bill, measurement, kitna mila, kitna baaki.
2. Thekedar se balance confirm karwayein, email ya WhatsApp par bhi chalega.
3. Advocate se legal notice. FundRaksha 24 ghante me bhejta hai.
4. Payment plan aaye to likhit me, har installment ki date ke saath.
5. Payment na aaye to Samadhaan, summary suit ya arbitration.

English guide: contractor not paying subcontractor.

Labour ka payment aur aapki majboori

Sub-contractor ko apne labour ko har hafte dena padta hai, isliye wo thekedar ke saamne kamzor lagta hai. Isi wajah se der na karein. Har mahine ki deri aapki working capital khaati hai, aur limitation ki 3 saal ki ghadi bhi chal rahi hai.

Koi upfront fee nahi, 30% sirf recovery par. Free consultation me apna work order aur bills dikhaayein. Builder ke saath seedha kaam hai to builder guide padhein.